Mas Mababa sa Tatlo

Ang Pagkabuhay Namang Muli

2011-08-01T23:15:00.003+08:00

Medyo matagal ko ring hindi nabisita ang blog ko na ito. Hindi dahil sa wala akong maisip na maipost, kundi naging busy rin ako sa madaming bagay. Nabigo, nadapa, bumangon, at sa awa ng Diyos ay nagtatagumpay naman. At sa lahat ng mga pangyayaring ito, isa lang ang hindi nawala sa tabi ko. Ang aking girlfriend na si Lezel. Sobrang laki ng pasasalamat ko sa kanyang suporta kahit na paminsan-minsan ay nababawasan ang oras namin sa isa't isa. Tunay ngang tumatatag ang isang relasyon pag si God ang nasa sentro nito. Kailanman ay hindi kayo mawawala sa tamang landas.

*credit to the owner of the video.

Ikaw, Ikaw at Ikaw Lang

2011-03-04T03:12:00.002+08:00

Kapag naiisip kita, langit ang nadarama.
Puso ko ay lumulukso at lalo pang sumisigla.
Tila ba gamot ka sa lahat ng uri ng karamdaman,
Pagkat isang ngiti mo lang, tanggal na ang aking kalungkutan.

Ikaw ang tsokolate kapag ako'y nalulumbay,
Ikaw ang kending nakakatanggal ng aking pagkaumay,
Ikaw ang extra joss kapag ako'y inaantok,
Ikaw rin ang off lotion kapag ako'y nilalamok.

Kampante ako kapag andito ka sa aking tabi,
Nawawala ang takot na sa isipan ko'y namamayani.
Ang pagod ko ay tuluyang ring napapawi,
Lagi na lang pag-ibig ang sa puso ko'y namamayani.

Ang saya, saya, saya, saya!
Daig ko pa ang nanalo sa lotto kapag kasama kita.
Ang nadaramang sigla ko'y parang El Shaddai ang lakas,
Siksik, liglig, umaapaw, umaawas.

Kaya ito ang tanging pakatandaan mo,
Na ikaw lang ang nilalaman ng puso't isipan ko.
Ang pagmamahal ko sayo'y kailanman hindi magbabago,
Umulan man o bumagyo, kahit magunaw pa ang mundo.

Fireworks Display sa MOA

2011-03-02T04:17:00.000+08:00

November 28, 2010. Ilang minuto lang makalipas nya akong sagutin, bigla na lang nagliwanag ang langit dahil sa mga makukulay na fireworks na ito. How romantic is that? Isa iyon sa mga gabing hinding hindi ko makakalimutan. =)

Babyface - Every Time I Close My Eyes

2011-03-02T03:36:00.003+08:00

Perfect timing. Right place and the right time. This song is dedicated to my girlfriend and my soon to be wife. I love you with all my heart.

Babyface - Every Time I Close My Eyes

Girl, its been a long, long time comin
But i, I know that its been worth the wait
It feels like springtime in winter
It feels like christmas in june
It feels like heaven has opened up its gates for me and you

And every time I close my eyes
I thank the lord that Ive got you
And youve got me too
And every time I think of it
I pinch myself cause
I dont believe its true
That someone like you
Loves me too

Girl, I think that youre truly somethin
And youre, youre every bit of a dream come true
With you baby, it never rains and its no wonder
The sun always shines when Im near you
Its just a blessing that I have found somebody like you

Hook

To think of all the nights
Ive cried myself to sleep
You really oughtta know
How much you mean to me
Its only right that you be in my life right here with me
Oh baby, baby

Dugtungan ng Tula

2010-11-11T00:22:00.005+08:00

Hi guys!

Share ko lang itong ginawa namin ni Kenndi Arteest sa KATHANG ISIP group sa Facebook. Nagpalitan kami ng tig-dalawang linya para makagawa ng isang tula at ito ang kinalabasan.

DanGerald:

Sa tuwing iihip ang hangin patungo sa akin,

Hindi ko maiwasang ika'y alalahanin..

Kenndi:

Sa bawat nakakasilaw na pag-ngiti ng araw,

Ang mga ala-ala nati'y ayaw parin bumitaw..

DanGerald:

Tila ba hinahatak tayo pabalik sa nakaraan,

Nakaraang kailanma'y hindi ko malilimutan..

Kenndi:

Subalit ano pa ba ang halaga ng nagdaan?

Alam nating ang panaho'y tuluyan na tayong nilisan..

DanGerald:

Ngunit kong bibigyan ako ng isa pang pagkakataon,

Ikaw pa rin ang nanaising makapiling ngayon..

Kenndi:

Ang init ng pagiibigan nati'y hindi man kayang ulitin,

Sa muling pagkikita, sana'y atin ding sulitin..

DanGerald:

Kaya kung tayo'y muling pagtatagpuin ng tadhana,

Sa aking pagyakap, ang katawan mo sana'y iyong ipaubaya..

Kenndi:

Hahayaan kong ang bugso ng damdamin ang magpasya,

Kung umaalab man ang puso'y pareho tayong sasaya..

DanGerald:

Kung kabaligtaran ang mangyari, ako'y lubusang malulumbay,

Pagkat ikaw ang natatanging nagbibigay sa akin ng buhay..

Kenndi:

Hindi ko hahayaang ang pagkakataon ay masayang,

Ngayong gabi, tayo'y magmamahalan ng lubusan..

Langit Na Rin by Kuya Jobert

2010-11-06T02:32:00.005+08:00

Hi guys!

Sa tuwing nakikinig ako ng Itanong Mo Kay Kuya Jobert sa 93.9 I-FM, inaabangan ko lagi na tugtugin ito ni Kuya Jobert. Bukod kasi sa magaling siyang magpatawa at magbigay ng payo, magaling rin siyang tumugtog ng gitara at kumanta.

Sa tuwing naririnig ko ang kantang ito, nagbabalik sa aking alaala yung mga naging crush ko nung bata ako. Ubod kasi ako ng torpe dati. Kapag katabi o kaya kinakausap ako ng crush ko, natatahimik na lang ako bigla. Umuurong yung dila ko at hindi na nakakapagsalita pero sa loob ko ay tuwang tuwang ako. Saktong sakto ang kantang ito sa nararamdaman ko kapag natotorpe ako.

I
Sa gabi't araw, ikaw ang laging nais matanaw,
Ang iyong ganda'y naiiba't katangitangi,
Parang anghel lalo na't pag ika'y nakangiti

Chorus
Panalangin ko sana'y dinggin,
kahit sa panaginip lang ay marinig ko na ako'y minamahal mo rin,
wala na kong mahihiling, pagkat sa piling mo'y parang,
Langit na rin.

II
Mula nang masilayan ka, hanggang ngayo'y di nagiiba,
pagtulog ko'y napapangarap na kasama,
kung maaari lang ayaw ko nang gumising pa,
kung ika'y mawawalay, ang mundo ko'y mawawalan ng buhay at kulay,
dahil nais ko habang buhay, kapiling kang tunay

Chorus
Panalangin ko sana'y dinggin,
kahit sa panaginip lang ay marinig ko na ako'y mahal mo rin,
wala na kong mahihiling, dahil sa piling mo'y parang,
Langit na rin.

Dahil sa piling mo'y parang,
Langit na rin.

Anino

2010-11-03T00:08:00.002+08:00

Nakita na kitang umiyak,

Nakita na rin kitang tumawa,

Nakita na rin kitang natulala,

Ng makita mo ang iyong mahal, na may ibang kasama..

Lagi mong sinasabi na "ok lang ako!"

Lagi mong pinapasaya ang ibang tao,

Pero pag nagkakasarilinan tayo,

Naririnig kong umiiyak ang iyong puso..

Bakit ka ba ganyan?

Itatago mo na lang ba yan?

Madalas kong sabihin na andito lang ako,

Pero ang turing mo sa aki'y isang bato..

Lagi mo na lang akong pinapasalamatan,

Kasama mo ako kahit saan,

Pero tila nangungulila ka pa rin,

Sa alaala ng nasirang damdamin..

Kung nakakapagsalita lang ako,

Kung kaya ko lang hilumin ang iyong puso,

Ngunit ang mga ito'y hindi ko nagagawa,

Dahil para sa'yo, ako'y isa lamang anino..

Alipin

2010-11-02T04:19:00.002+08:00

Alipin ng kahapon,

Alipin ng pagkakataon,

Alipin ng labis na kalungkutan,

Alipin ng maalon na karagatan..

Hanggang saan ako mapapadpad?

Hanggang saan ako makakarating?

Akala ko natatanaw ko na ang dulo,

Simula pa lang pala ang pupuntahan ko..

Abot kamay ko na ang lahat,

Ngunit nawala lang sa isang iglap,

Kay tagal ko itong iningatan,

Ngunit wala rin palang patutunguhan..

Akala ko ako na ang magpapatakbo

sa nakasiwang na manibela ng buhay ko,

Pero bakit ito ang kinahinatnan,

Alipin noon, alipin pa rin hanggang ngayon..

Sa Iyong Pag-alis (Crazy for You)

2010-10-30T05:05:00.002+08:00

Hi guys!

share ko lang sa inyo ung ginawa kong kanta. Tono siya ng Crazy for You ni Madonna, ginawan ko ng tagalog version. Sana magustuhan ninyo!

Ngayon ako ay nag-iisa

Luhaan at nagdurusa

Magbuhat ng ako ay iwan mo

Hawak ko ang iyong larawan

Iniisip ang nakaraan

Bakit nga ba ikaw ay lumayo

at nilisan ako

Chorus

Ikaw ngayo's wala na

Pangako mo sak'n ay nasaan na?

Habambuhay na magsasama

O kay sakit, naghihinagpis

Sa iyong pag-alis

III

Pilit kong itinatago

Ang lungkot ng iyong paglayo

Hindi ko pa rin natatanggap

Ito ba ay panaginip

Gisingin nyo'ko sa aking pagkaidlip

Dahil hindi ko na makakaya,

ang mag-isa

(Repeat Chorus 2x)

Sa'yong pag-alis, sa'yong pag-alis

O kay sakit, naghihinagpis

ng iyong pag-alis

TORPE-do

2010-10-29T03:37:00.002+08:00

Tinatanaw lang kita noon

mula sa di kalayuan,

Pinagmamasdan ka

kasama ang iyong mga kaibigan..

Maayos ang iyong postura,

Suot ang unipormeng pang-eskwela.

May bag ka pa nga na itim,

Na talaga namang maganda sa paningin..

Nabubuo ang araw ko

kapag nakikita ka,

Inaabangan kang dumaan

sa pasilyo ng ating paaralan..

Ilang taon akong ganyan,

Nangangarap sa kawalan.

Pinapangarap na makasama ka,

Kahit ilang saglit lamang..

Nang dumating ang pagkakataon

na hindi ko inaasahan,

Kinausap mo ako't

tinanong ang aking pangalan..

Hindi ko na alam ang aking gagawin,

Hindi ko alam ang sasabihin.

Hindi ko talaga akalain,

na ako'y iyong papansinin..

Wala akong masambit,

Tila ang dila ko'y naipit.

Umiral ang katorpehan,

Umiral ang katangahan..

Bakit nga ba ganito?

May pag-asa pa bang mabago?

Mamahalin mo kaya ako?

Kahit ako'y isang TORPE-do?

Alaala

2010-10-27T00:46:00.002+08:00

Ayaw kitang isipin dahil ako'y nasasaktan,

Dahil nagbabalik lamang ang nakaraan.

Nakaraan na ayaw ko nang balikan,

Nakaraan na gusto ko nang kalimutan..

Pero bakit ako nagkakaganito?

Ayaw ka pa rin mawala sa isip ko.

Alaala mo'y palagiang nagbabalik,

Nasasabik pa rin sa'yong yakap at halik..

Alam kong masaya ka na sa piling nya,

At alam kong mahal mo talaga siya.

Pero bakit hindi kita magawang bitawan,

Dahil ba sa nabitin nating pagmamahalan?

Hindi ko mapigil ang pagtulo ng aking mga luha,

Dahil sa pag-iyak lang ako nagiging masaya.

Nararamdaman ko ang iyong pambabalewala,

Pero andito pa rin ako't palagiang umaasa..

Bago sana ako mawala, nais kong malaman mo

Na ang pusong ito'y minahal ka ng totoo.

Dalangin ko ang iyong kaligayahan,

Salamat sa alaalang hindi ko malilimutan..

Soul Searching

2010-10-26T01:51:00.002+08:00

Tahan na, wag ka nang umiyak,
Wag na malumbay sa aking paggayak.
Hindi rin naman ako magtatagal,
Ipapahinga ko lang sandali ang isipan kong pagal..

Sa dami ng nangyari,sa dami ng nagdaan,
Hindi pa rin kita magawang kalimutan.
Para kang anino na palagiang nakasunod,
Magtago man ako'y tiyak pa ring matutunton..

Sapat na bang lumayo upang hanapin ang sarili?
O kailangang harapin ang takot na namamayani?
Pero handa na ba ako sa mga posibleng mangyari?
Ngunit pakiramdam ko'y ang sagot pa rin ay hindi..

Bakit nagbabalik ka pa rin sa puso ko?
Gayong hindi na ako ang ninanais mo.
Bakit ikaw ay muling nagpaparamdam?
Gayong matagal na kitang nakalimutan..

Tahan na, wag ka ng umiyak,
Mabuti pang talikdan na natin ang lahat.
Tanggap ko na'ng hindi na tayo magtatagpo,
Hindi na magbabago kahit lumuha pa ng dugo..

Stolen by Dashboard Confessionals

2010-10-23T01:25:00.002+08:00

Hi guys!

Share ko lang itong isa pang song na madalas kong pinapakinggan sa youtube. Hindi ko alam pero gandang ganda ako dito sa song na ito. I hope you'll like this one also!

Enjoy and stay in love! =)

Panaginip

2010-10-22T23:48:00.002+08:00

Tayo ay magkasama na,

Naglalakad sa kalsada.

Magkahawak ang kamay,

Habang papasok tayo sa eskwelahan..

Nakakausap kita,

Nakakasama ng matagal.

Nakakabiruan pa nga minsan,

Masayang nagkukwentuhan..

Nahahawakan ko ang kamay mo,

Nayayakap ka ng mahigpit.

Hindi ako makapaniwala,

Pero nararamdaman talaga kita..

Ngunit pag pasikat na ang araw,

Nagbabago ang lahat.

Ang masayang pagsasama,

Nagiging munting alaala..

Biglang nagbabago,

Unti-unting naglalaho.

Pagdilat ng mga mata ko,

Balik ulit sa tunay na mundo..

Kaya ko na? O kaya ko pa?

2010-10-22T02:43:00.002+08:00

Hindi ko maintindihan ang nararamdaman,

ng ika'y muli kong nasilayan.

Parang kaya ko nang ibigay ang kapatawaran

at handa nang muling masaktan..

Pag-ibig na ba ang nais kong simulan?

o dala lang ito ng matinding kapanabikan?

Hindi makapaniwalang ika'y muling naririto,

Parang dininig ng Diyos ang tanging dalangin ko..

Sinabi sa sarili na kakayanin ko ang lahat,

Hindi na hahayaang sa tamang landas ay sumalungat.

Kaya ko na bang umibig ng hindi nagtatago sa likod ng iyong anino?

o hahayaan pa ring ang puso kong patuloy na naghihintay sa'yo..

Parang hindi ko makakayang magsimulang muli,

Pagkat sa puso ko'y ikaw pa rin ang namamayani.

ilang beses ko mang sabihing ayoko na,

Puso ko pa rin ang nasasabing mahal pa rin kita..

Nalilito

2010-10-20T23:38:00.002+08:00

Hindi ko alam kung bakit,

Hindi ko alam kung paano,

Makakayanan ko pa ba?

Nahihirapan na ako..

Ayokong manloko,

Ayoko ring mabigo,

Ayokong masaktan,

Lalong ayoko ng ganyan..

Mas gusto ko pang umibig

Kaysa ako'y ibigin.

Ako'y minamahal nya,

Sa akin naman ay iba..

Gusto kong lumayo,

Gusto kong mag-isa,

Kalimutan ang lahat,

Magsimula ulit sa una..

Kailangan kita.

Ako ba'y kailangan mo rin?

Handa akong iwan ang lahat,

Para lang sa'yo..

Anong aking gagawin?

Ako'y litong lito.

Baka sa muling pagbukas ng mata ko,

Wala ka na sa tabi ko..

Smile by Uncle Kracker

2010-10-20T01:32:00.002+08:00

Hi guys!

Share ko lang sa inyo yung isa sa mga madalas kong pinapanood sa youtube. Ang ganda kasi ng pagkakagawa ng video tsaka saktong sakto sa mga taong nagmamahalan. Gusto kong maging isa ito sa mga wedding songs ko balang araw.

"It is easy to be a HATER. Go for the difficult task: be a LOVER.." - Paulo Coelho

Stay in-LOVE. =)

Magbalik Ka Sana

2010-10-19T22:54:00.002+08:00

Masdan mo ang kalangitan,

Nababalutan ang ulap ng kadiliman,

Nagbabadyang magsaboy ng kalungkutan,

Sa mundong puno ng kasakiman..

Saluhin mo ang mga luhang papatak,

Mula sa langit na umiiyak,

Pakalmahin ang alon sa karagatan,

Hinagpis na dala'y hindi mapigilan..

Isang unos na naman ang darating,

Paano ko makakayanan kung hindi ka kapiling?

Simula ng umalis ka't ako'y nilisan mo,

Ang buhos ng ulan ay hindi na humihinto..

Kelan muling masisilayan ang Haring Araw?

Tila ang kaligayaha'y hindi ko na matanaw,

Pati mga bitui'y unti unting lumalayo,

Nawawalan na ng pag-asang tayo'y muling magtatagpo..

Umaapaw na ang ilog pati na ang mga lawa,

Pero sa aking tabi, ikaw pa rin ang wala.

Malakas ang hanging dala ng bagyo,

Umaasang maisip mong ako'y naghihintay sa'yo..

Dumating sana ang panahong ako'y maisip mo,

At maisipang bumalik muli sa piling ko.

Magawi ka man sa lugar kung saan mo'ko iniwan,

Naghihintay pa rin ako dun para iyong balikan..

Manhid

2010-10-19T01:32:00.000+08:00

Sadya bang ganito ang pakiramdam,

Kapag ang magmahal ay hindi mo na alam?

Ang lahat sa'yo ay pilit lalayo?

Maiiwan kang nag-iisa sa mundo.

Bakit nga ba naging ganito?

Hindi nga ba't dahil sa'yo?

Ang pagiging manhid at kahibangan,

Sa'yo ko lang lahat natutunan.

Mukang masaya ngang mag-isa,

Wala kang iba na inaalala.

Pero magiging sino na kaya ako,

Kung wala ng masasandalan ang aking pagkatao.

Sino na kaya ang magtuturo sa akin?

Na maibalik ang nasira kong damdamin.

Sino na kaya ang magbibigay sa akin?

Ng pagkakataong muling magmahal, at mahalin..

Lungkot

2010-10-16T06:26:00.001+08:00

Mag-isa na naman ako’t hindi makatulog,

Pagkat ang isip ko’y merong gumugulo.

Bigat ng kalooba’y hindi pa rin naaalis,

Puso kong ito’y meron pa ring hinagpis.

Tama ba ang ginawa kong paglayo?

At piliting umiwas sa iyong mundo?

Ganoon ba talaga ako kasakim?

Masyadong iniisip ang mapupunta sak’n..

Dapat lang sak’n na ito’y maranasan,

Ang malugmok sa walang hanggang kalungkutan.

Pinasok ko ang larong hindi ko naman alam,

Kaya sa mga tanong ko’y wala pa ring kasagutan.

Gusto kong abutin ang iyong kamay

Sa tuwing ika’y nahihirapan.

Pero alam kong sa puso mo’y

Hindi mo ako kailangan..

Nais kong pawiin ang mga luhang

Dumadaloy sa iyong pisngi.

Pero ang mga luhang ito’y

Dala ng aking pagkakamali..

Tunay ngang hindi mo mababatid ang halaga ng isang bagay,

Hangga’t hindi siya nawawala sa iyong mga kamay.

Tunay ring nasa huli ang pagsisisi,

Kaya ikaw ngayo’y wala sa’king tabi..

Kung nasabi ko lang sa’yo ang laman ng puso ko,

Edi sana, hindi ako nahihirapan ng ganito.

Hindi man ako ang iyong piliin na makasama mo,

Masaya na rin ako..

Basta masabi ko lang sa’yo, na mahal kang totoo..

Ayoko Na

2010-10-16T05:41:00.001+08:00

Mas mahaba ngayon ang gabi sa araw,

Kasing haba ng panahong ako’y nag-iisa.

Katulad rin ng tubig na umaagos sa karagatan,

Ligaya ko’y pupunta rin sa malalim na kalungkutan..

Maayos naman ang pagdating ko sa mundo,

Ako lang siguro ang nagpapagulo dito..

Sa paglisan dito’y lubhang napakahirap,

Pagkat ligayang hanap ay sadyang mailap..

Akyat-baba ako sa pedestal ng buhay,

Ngunit hindi pa rin kita nakikita sa aking paglalakbay,

Mabilis ang mga pagbabagong nagaganap,

Pero mabago man ang lahat,

Ikaw pa rin ang siyang hanap..

Ayoko nang mag-isa, ayoko nang lumuha,

Ayoko nang pumikit at mangarap pa,

Ayoko na ng buhay na hindi ka kasama,

Ayoko na ng lahat, ayoko na..